හිත ගිය කවි: November 2010

කැටපත් පවුර: Poems of Kamala Das: "

Love

Until I found you,
I wrote verse, drew pictures,
And, went out with friends
For walks…
Now that I love you,
Curled like an old mongrel
My life lies, content,
In you….
http://ketapathpawra-blog.blogspot.com (From Summer in Calcutta)"

කුතුහලය… « නොකියූ කවි…

කැළඹුන ජීවිත
බලා සිටී
කුතුහලයෙන්…

යුධ ජය,
ඝෝෂාවදෙස බලා සිටී
කුතුහලයෙන්….

මලානික වුනු නුඹේ දෑසින්
බලාසිටී නුඹ
අපටකුමක්වීද?
කුතුහලයෙන්…

යුක්තිය,සාදාරණත්වය, අයිතිය,
නුඹලාගේ අනාගත පැවැත්ම,
බලා සිටී
කුතුහලයෙන්…

http://hithalu.wordpress.com by රුෂිකා කලුබෝවිලගේ

..:: සිහිනයක සිහිනය ::..: කොටු වූ ජීවිත

කොටුවකින් බැස
පටු මාවත් දිගේ
තවත් කොටුවක් තුලට
කොටු වෙලා

කොටු කෙරුනු තිරය මත
කොටු වැටුනු අකුරු හා
ගොඩනගයි කොටු නොවූ
ජීවිතේ...

දිග කොටු සල්ලි කොල
මත මැවුනු ලෝකයේ..,
කොටු කපයි
කොටු මවයි
කොටු පනියි
මිනිසුන්,

පැන යන්න
සිහිනයේ...
http://sihinayakasihinaya.blogspot.com by Dinu

Saturday, November 20, 2010

මහගම සේකර.. Mahagama Sekera: මක්නිසාද යත්, උපුටනය 04

බිඳෙන් බිඳෙන් ජලේ
පයිප්පයෙන් වැටේ
බෙලෙක්ක ටින් රැගත්
ළමෝ වටා සිටිත්.

ඇටෙන් ඇටේ ඉලේ
හමෙන් නෙරා පෙනේ
බතක් නැතත් කුසේ
බඩත් පිරී තිබේ
උඩින් උඩින්දෙපා
තබා මඩින් මිදී
සුරංගනාවියෝ
මුඩුක්කුවෙන් බසිත්

ඉහින් කනින් පිරී
ඩබල් ඩෙකර් දුවයි
ඇසුත් කනුත් වසා
නගින්නෙ දූවිලියි

නොකා නොබී කෙසේ
මැරෙම්ද හාමතේ
කකා කකා කියා
හඬත්ය කාකයෝමහගම සේකර..
http://mahagamasekera.blogspot.com
by මහගම සේකර: මක්නිසාද යත් උපුටනයකි

නිදහස් අදහස් - : ඔබ

තනිකම කරන සඳ සෝබර හද දැදුරූ
වටකොට මහද වූවා මුළු ලොව අඳුරූ
වී නම් යමක් ඒ මොහොතෙහි මට සොඳුරූ
වදනක් පමණි රහසින් ඔබ මට කෙඳූරූ

ජීවන ගගන නැඟ ආ සඳ අඳුරු වළා
වැළපුණි මහද, තනිකම හා එකතු වෙලා
දිරි දී, නැගෙන්නට ඒ දුක ඉවත හෙළා
සඳවත නුඔ මගේ ලොව යළි එකළු කළා

වියළී ඉරිතැලී කතරක් වී තිබුණූ
හදබිම යළි වරක් නිල් උයනක් කෙරුණු
ජීවන දියෙන් පුරවාලන හද පොකුණූ
වැසි දිය ඔබය, නොක‍ෙලක වුව ඇද හැලුණූ.
http://expressedfree.blogspot.com by Priyantha Weerasinghe

කවි සිතිවිලි « ~මන්දාකිණිය~

මතක මන්දිර අතර සංහිඳ
කන්ද පාමුල බලා හිඳිනෙමි
මතක සුවඳට ලොබ බැඳුනු සිත
අතීතය හා කථාවක පොඩි
මතක පිණි බිඳු පොකුරු අහුරම
තබා මගෙ මේ සිත මතම නිති
වින්ද සෙනෙහස දුරක ගියමුත්
කඳුළු නම් තව මා ළඟම ඇති
මතක මං පෙත ඇවිද යන්නට
පෙර පුරුදු ලෙස සෙමින් වත් අපි
එන්න නෑවිත් යන්නේ කොහොමද
නවත ගන්නට හදන්නෑ යලි.
http://nimanthi.wordpress.com by Nimanthi ~මන්දාකිණිය~

නොපිපි මල... | ..... සංසාරේ අපි .....

ඉඩෝරයක් ! « ඇසිල්ලක කවි සිතුවිලි

වේලුන ඉපල් අහසට දිගු කර දෑත
පෑදුන වැලි ගල්ද ගැන දුක්බර ගීත
සෑදුන පෑවිල්ල දිය බිඳුවක ශීත
සෙනහස සිසිල ගැන කොඳුරති දුර ඈත

වැටහෙන දැනෙන හිරු හැඩ රැස් පිච්චිල්ලයි
තණ අග වියළිපත් හැර කූඹින් රැල්ලයි
පළඟැටි රාවයේ දහවල දෙඩවිල්ලයි
දුක්බර බලා සිටිනා දුක් නෙත් රැල්ලයි

ඉහිළුම් නොදෙන මිහිකත ඉරිතලා මඩ
තුරු කොළ වියලෙනා දලු කොළ හඬන හඬ
දරු පැටවුන් බැඳන් රිළවුන් දුවන හැඩ
හද දුක් සුසුම් ළඟ හද හද මියෙන හඬ

දෙවියන් සිත් සතන් ගැන විමසුම් නැතිව
මුහුකුරා නොගොස් උන් සැඩ සිත් ඇතිව
නුබ ගැබ වැහි කෝඩ තුරුළට ගෙන නතුව
රවටයි නොරවටයි දහසක් දිය නැතුව

http://asillaka.wordpress.com by ලිලානි පියරත්න

අපා පෝලිම « eXtremes of Truth

පෙනෙයි.. පන්ති කාමරයේ සීලිම් සිදුරු තුලින් ගලා එන හිරු එලිය
දිස්වෙයි.. තුන් මසකට කලින් අලුත් වැඩියා කෙරුනු ගේට්ටුවට ඔබ්බෙන් ඇති කඩතොලු වූ පාර

නොදනිමි.. මවක් අත සිටින ලදරුවා හඬන හේතුව

දැනෙයි.. මේ සෞම්‍ය උදෑසන සිහිල් සුලඟ… නමුදු අන් කවරෙකුටවත් එය නොදන්නවා වැන්න

පනිති.. මිනිසුන් පිරිසක් බිමට, නොනැවතුනු හේතුවෙන් බසය

සිනහවෙයි.. සොල්දාදුවන් කිහිපදෙනෙක්, හැඟීම් දැනෙන්නේ ඔවුනට පමනක් මෙන්

සිටිති.. මිනිසුන් පිරිසක්, පාට පාට ඇඳුමින් සැරසී… බොරු සිනහවෙන් මුහුනු සරසමින්, මකාලන්නට බැරිව, ඔවුන්ගේම දුප්පත්කම!

විසිකලා මා ඒ කොලය… කීතු කීතු වලට ඉරමින්…

ඉඩදී පෝලිමේ අනෙකුන්ට… ලකුනු කරන්නට ඔවුන්ගේම ගමන නිරයට!
http://harshadewa.wordpress.com by Harshadewa Ariyasinghe

සිත්රූ: රූපවාහිනිය....

වෙඩි හඬට මදුරුවන් සේ මියෙන
රුපුන් ගැන අඩු වැඩිය දිග හරින

හෙට තනන ජාතියේ සොහොන් ගෙට
නිතර ඔළුගෙඩි ගනින....

සිංහලෙන් විතරක්ම කතාවෙන
අන්ඩර දෙමළ නොතේරෙන

පපු කැහුතු නැතිවම
මැද සාලෙ රෑ අටට ලේ ගලන

දුප්පත්කම නිසා
තවමත් පොලවෙ නොගැසුව

ජාතියේ රුධිරවාහිනිය
http://sithru.blogspot.com by සුදාර...

Friday, November 19, 2010

එහෙත් ඔබට මා – මහගමසේකර « කවිසිත්.com

එහෙත්
ඔබට මා පරාජය කල හැකිය.
ඔබ දිනා
මගේ මල කඳ උඩින්
දික් විජය කරන විට
මහ පටැඟිල්ලෙන් පොලොව සාරමින්
මහ පොලොව මත
මගේ් වේදනා මම ලියමි.
ලොව සදහටම නොනැසී පවතින්නේ
දිනුම නැගූ ඔල්වරසන් හඩ නොව
පැරදුම නැංවූ ලතෝනියයි.

http://kavisith.wordpress.com මක්නිසාදයත් – මහගමසේ්කර « කවිසිත්.com

සිර ගත කල පෙම - Seegiri Community

දම් පාට අහස යට පෙම් පාට පිරුනු රැලි
නුවර වැව් ඉවුර ලඟ තනිවෙලා......
පෙම් කතා අමතකව පෙම් සිනා හඬ නැතිව
බංකු පොඩි එක පෙලට තනිවෙලා....

එදා වැව් රවුම වට මැවූ පෙම් කතන්දර
දෙනෝ දාහක් හිතේ සිරවෙලා
ප්‍රේමයේ අස්වැන්න කපාගෙන ගෙනියන්න
රාලහාමිලා එයි උන් සොයා

පෙම් නොකල සිත් ඇතුව මෙලොව එලි දුටු එවුන්
හඬ නගන බහු බූත අස අසා
කාකි රූ බැටන් පොලු මග වඩීදෝ කියා
මල් සරා අතු අගක සැඟවිලා
http://www.seegiri.com by Harshana - Seegiri Community

~ කන උන්දෑ ~සාගර පළන්සූරිය by Seegiri Community

~ කන උන්දෑ ~
මා දිනූ ගමේ පොඩි කාලේ වෙසෙන කල
මතකයි හොඳට නා ගහ මුල තිබුණු පැල
කවුරුත් දන්න අඳුනන යක්ගැහැලෙ හෙළ
කන උන්දෑය විසුවේ මේ කුටිය තුළ

ඇඟේ ඇස් දෙකම අන්ධය එනමුත් පුදුම
අඳුනන්නීය ඈ කොස්විනි මුළු ගමම
දුප්පත් නමුත් ඈ කවදාවත් එහෙම
පහතට නොබැස්සා හිඟමනකට තරම

හරකා සතා මගදී හමුවන ඇයට
කාගෙද කියා කිව හැකි නිවරදි ලෙසට
කොපමණ දුරට ඈ හුරුපුරුදු ද ගමට
බල්ලෙක් පවා නුබුරයි කිසි විට ඇයට

ඇය ආ වෙලාවට අප ගෙදරට දොරට
ලොකු සතුටක්ය පොඩි දරුවන් වන අපට
ඇය ඇතුළත් වුනේ අප කුළුපග බවට
කොහොමද කියා මට පැහැදිලි නැත දැනට

ඈ හොඳ හොඳ කතා කවී සීපද දන්නී
ඒවා රසට පැය ගණනක් පවසන්නී
අපගේ විහිළු වෙනසක් නොතකන්නී
කන උන්දෑ අපේ මිතුරිය වී උන්නී

කලකට පසුව ඇය විසූ පැල්පත පැවතී
නාගහ මුලට මම ගොස් බැලුවෙමි නැවතී
පැල තිබූ ගෙපළ මත නා කොළ ගොඩ මහතී
ඇය මළ බව පවා දන්නෙක් ගම නොමැතී

http://www.seegiri.com - by Seegiri Community~සාගර පළන්සූරිය

සොඳුරු සිත ( Beautiful Mind ): ෴ ගිනි තැබූ කවි පොත ෴

සොඳුරු සිත ( Beautiful Mind ): ෴ ගිනි තැබූ කවි පොත ෴http://sodurusitha.blogspot.com by Wath

පර්ත් කවි - සුනිල් ගෝවින්නගේ පද්‍ය නිර්මාණ: එතර සිට කරන ඉල්ලීමකි

ලියන්නේ කවි කුමට මතක සඟවන රටට
ලැබෙන්නේ නැත සරණ ලියූමුත් කවි නිබඳ
පතන්නේ කවි බසක් නොව හදකි බස් දොඩන
සිතන්නේ ගං වතුර ඔබේ රට ගොදුර වෙන

දෙරට තොරතුරු අතර ශෝකයකි ගං වතුර
ලියන කවියක් වුව ද පාරුවක් නොවනු ඇත
බඩගින්න මැද හඬන දුක් තැවුල් මැකෙනු නැත
කවි මගින් එවන්නට නොමැත තිළිණයක් අද

දෙව් බඹුන් උරණ වී එවූ මහ වැස්සක් ද
සරණ නැති දන නෙතට නැගි කඳුළු ගංඟා ද
රට රකින නිරිඳුන්ට එවු සාප වැස්සක් ද
ලියා දන්වනු මැනවි දිනෙක කිවිසුරු සබඳ
http://perthkavi.blogspot.com by පර්ත් ග්‍රාමවාසී සුනිල් ගෝවින්නගේ

අනේ ඔබ නැති රුදුරු කල්පය කවදා යාවිද ගතවෙලා……. « සමනලීට හිතෙන හැටි……. | Samanalee

පියුම් නොපිපෙයි අතු අගින් අද තුරු මුදුන් ඈත මැලවිලා
සොවින් වැලපෙන කුරුලු ගී පද කදුලු දෙනෙතට ලං කලා
පාලු අහසට දරනු බැරි බර කදුලු වැසි පොද දියකලා
මල් සුවද නැති බොල් සුලග දැවටෙයි සුසුම් වැල් පුරවලා

සදේ එළියෙන් කුමුදු නොපිපෙයි රිදී විල් දිය සැගවිලා
තරුද නොදිලෙන හිස් අහස මගෙ සිතේ කැඩපත් රුව වෙලා
හදේ සෝ දුක් සුසුම් රැලි වල වලා සේලය පැටලිලා
හිරුත් දෙවැනියි නැගෙන දුක් ගිනි දවන මා හද රිදවලා

රුව දකිනු නැති වදන් නොඈසෙන දුරක ඉන්නට සිදුවෙලා
සෙනෙහෙ වදනින් පිරෙන දෙසවන් වැසී පාලුව රජවෙලා
සිනා මල් සහසක් මැදින් දැවටෙන්න ඔබ ලග සැනසිලා
අනේ ඔබ නැති රුදුරු කල්පය කවදා යාවිද ගතවෙලා

පාලුවෙන් තැවෙන සමනලීගෙනි… « http://punchisamanalee.wordpress.com by සමනලී

කවි :: පන්හිද පාමුල පිපි අරවින්දිය: ලෝකය තනි යායක්..

ලෝකය තනි යායක්..

මතකයන් ගෙන් යා වුන...

ලෝකය එක යායක්..

එකිනෙකා ලග නැවතුන...

බිදී විසිරුන සිත් ඇති...

ලෝකය සිත් යායක්..

එකෙක් හදුනන ,

තවකෙක් නාදුනන!
http://yasasinirma.blogspot.com by Yasasi

~:::.අහිංසකි.:::~: හුදෙකලාවේ කවි සිතුවිලි

නුඹ
පහන් දැල්ලක් වූ
මගේ ලෝකයේ ....
මම
එ වටා කැරකෙනා පළගැටියෙක් වී
නුඹේ ප්‍රේමයෙන්
පිළිස්සී.......
දැවී.............
ගිනිගෙන.........
මිය යන්නම් ..........

http://ahinsaki.blogspot.com by අහිංසකි

Thursday, November 18, 2010

නුඹ.........

රල නැඟූ මුතු සිනා අසිරියෙන්
වැලපෙනා අහිංසක වෙරල ගැන
දැන සිටියො කවරහුද නුඹම මිස
මෙ මිහිතලයෙහි .........

වසන්තය නිමා කර ගිම්හානයම ලංකර
කඳුළු මුතු ඉතිරි කර හැර ගියපු අරුමය
දැන සිටියො කවරහුද නුඹම මිස
මෙ ගඟනතෙහි .........

අවරෙහි ගිලෙන හිරු දැක පුංචි තරුවක් මඟ හැර
සඳම ලංකර හිනැහෙන බව
දැන සිටියො කවරහුද නුඹම මිස
මෙ විශ්වයෙහි .........

වලදැමූ අතීතයෙ සුසානය මත වැතිර
කෙලිදෙලෙන් සන්තොසින් රඟන බව
දැන සිටියො කවරහුද නුඹම මිස
මෙ දිවි ම‍ෙගහි .........

by SAC

Guru geethaya_ගුරු ගීතය

from http://gurugeethaya.blogspot.com Indika Gunawardena's blog

Wednesday, November 17, 2010

~නික්මගිය වසන්තය~ « ~මන්දාකිණිය~

වසන්තය හෙමි හෙමින් නික්ම යයි
හරියටම ඔබ ගියා වගේමයි
තනිකමට සිත සෙමෙන් පුරුදු වෙයි
එකින් එක හැලී ගිය කොළමෙනැයි
කටුක සීතල හොරෙන් අඩි තබයි
කඳුලු නෙත තෙමන සැම රැය වගෙයි
වසාලමි හද කවුළු දොර සෙමින්
මේ පාලු තනිකමම මට හොඳයි.

http://nimanthi.wordpress.com by ~මන්දාකිණි~ in කවි සිතිවිලි

සත් සිහින: elusive

සත් සිහින: elusiveසිහින කළතා

අහසේ අඳිනෙමි
පාට සියයක් දිලෙන දේදුණු...
ඒ අතර නුඹ
හිමින් ඇවිදින්
හිරු මුවාකර සිනාසෙන’යුරු !
සරැළි කළතා
දියෙහි ලියනෙමි
වදන් නැති මගේ කවිය සුමියුරු...
එදිය රැළි මැද
කුමුදු පුබුදා
නුඹ සඳක් වී සිනාසෙන ‘යුරු!
සිතැඟි කළතා
හදෙහි තවරමි
සිඹින්නට බැරි මලක රොන්සුණු...
නුඹ සුළඟ වී
ගතේ දැවටී
සුවඳ ගෙනැවිත් සිනාසෙන’යුරු!

http://sathsihina.blogspot.com by malithi

Tuesday, November 16, 2010

අකීකරු හිත: දැක්කත් ඇති, නිවන් යන්නට

අකීකරු හිත: දැක්කත් ඇති, නිවන් යන්නට: "ගැහැණු චපලය....
එලෙසමද පිරිමින්?????
අපෝ නෑ.................
දැක්කත් ඇති
නිවන් යන්නට
දැක්ක තැන මල් තියා වැදපන්..
දනින් වැටී..........
සාදූ සාදූ........

http://akikaruhitha.blogspot.com by අකීකරු හිත "

සිහින දකින්නියකගේ අඩවිය: වෙරළ ඔබ සිහිනෙකී

නිවී හැනහිල්ලේ
අලසව, මගේ පාඩුවේ
යන්නට නොදී ඔහේ
කවුද කලබල ඇති කලේ

ගල් පර වල හැපේ
දකින විට ඔබ වෙරළ වී
නොනැවත ඉන් මිදී
යළිදු නැඟ එමි වෙර යෙදී

විසල් රළ කඳු වෙවී
ආ මුත් රැඳෙන්නට බැරී
වෙරළ ඔබ සිහිනෙකී
සයුර වෙත මම ගලා යන්නෙමි
http://sonduru-sihina.blogspot.com by ස්වප්නා

සත් සිහින: සදා ඉන්නම්

රළු පරළු ගල් අතර
කඩා වැටි තරුවක්ව
දූලි වැකි මංපෙතක
වැටුණු හිම කඳුලක්ව
රටා පිරි දිවිමඟේ
නොගැලපෙන ලකුණක්ව
සදා ඉන්නම් සිතේ
හෙලනු බැරි සුසුමක්ව
http://sathsihina.blogspot.com by malithi

සෙවිල්ලෙන්.. « ~මන්දාකිණිය~

අහස ගුගුරා පොලව දෙදරා
මහා වැසි ඇද හැලෙද්දින්
තිගැස්සෙන සිත වසංගාගෙන
අදත් මම නම් නිසොල්මන්
කළු වලාවක එක් නිමේෂෙක
ඇඳී යන ආලෝකයෙන්
බලමි පෙරමඟ ඒවිදැයි නුඹ
ඒත් සිත දෙගිඩියාවෙන්
තවුස් දැහැනක දැහැන් ගතවූ
නෙතම පමණක් සෙවිල්ලෙන්
http://nimanthi.wordpress.com by Nimanthi

Guru geethaya_ගුරු ගීතය

Guru geethaya_ගුරු ගීතය

http://gurugeethaya.blogspot.com by Indika Gunawardena

..:::ජීවිතය අතින් ගෙන!:::..: නුඹ ඇවිදින් ගිහින් වගේ...

පහන් කරන්නට නොහැකි රාත්‍රිය
නුඹ ඇවිදින් සක්මන් කරනා.....
වසා ගන්න බැහැ දෙනෙත් පියන් යුග
නුඹ ඇවිදින් සිහිනෙක වුන්නා...

මවාගන්න බැහැ මගේ සිහින ලොව...
නුඹ ඇවිදින් තනියට වුන්නා....
හිතාගන්න බැහැ හිතට මගේ අද...
නුඹ කවුදෝ ම සිත තුල රැදෙනා......

සසර නොතේරෙන කමට මගේ ඔහේ
නුඹ ළඟ දැවටී පෙම් කෙරුවා....
අනියත දිවියක අරුත පසක් කර.
නුඹ මා හැර යා යුතු බව කීවා....

සිහිනය හිස්විය රැයද පහන්විය
නුඹ ඇවිදින් ආපසු ගොස් තිබුණා....
වසාගන්න බැරි දෙනෙත් පියන් අඟ
සීතල කඳුලක් ඉතිරිවුනා...........

http://ashanslife.blogspot.com by අෂාන් රවීන්

නොතිව් තිත: යලි නොකියවමි ඒ පොත

එක් කලෙක - එක හුස්මට
නිදි වරාගෙන - මුව අයාගෙන
අකුරක් නෑර කියවූ
පොතකි
දැන් නුඹ මට

දූවිලි කමින් දුර්වර්නව
පඩු පැහැ මැවුනු පිටුමත
පුස් ලප කැලැල් රොද බැද
දුක් විදී අද ඒ පොත
කොහේහෝ කොතැනක

ලෝකයේ අදුරට හසුව
නෙත් තියුනු වී ඇත අද
ජීවිතේ සන්ග්‍රාමයේ යුද වැද
මුවහත්ය දිවි කගපත්ද දැන්

කියෙව්වොත් යලිත් ඒ පොත
නවරස සුවද මෙන් කඩතොලු
මතු වෙතත්

යලි නොකියවමි ඒ පොත

වැකිදොස් වැරදි අක්ශර මගහැර
සියලු රසභාව පමනක්ම උරාගත්
පිටපතක් ඇත හද මතක තුල
තැන්පත්ව
දින දින පැහැදිලිව ඔප වෙන

රැකගෙන ඒ සොදුරු මහරු හද පිටපත
අන්සතු කරමි නොසොදුරු සැබෑ පිටපත

http://nothiwthitha.blogspot.com by susantha moonamalpe

හිරු ප්‍රභා: එතෙක්

හිරු ප්‍රභා: එතෙක්: "
ලියන ලියන කවියක් ගානේ
කියව කියවා ගියද ඔබ,
ලියූ හැම පදයක්ම
ඔබට ලියූ වග
කවිය කියවන ඔබට
නොතේරෙන වග දනිමි.

මා ලියූ කවි පේලි
තේරුන යම් දිනකදී
ඔබෙන් නොලැබෙන ආදරෙන්
මගේ හිත හඩන හැටි,
ඔබට ඇහේවි.....

එතෙක්,

මම ලියමි,
ඔබ කියවාවී,"
http://hiruprabha.blogspot.com by හිරු ප්‍රභා

බූන්දි|BOONDI: KAVI BOONDIYA | කාර්යාල කාර්ය සහායක ගේ මරණය - [ආරියවංශ රණවීර]

බූන්දි|BOONDI: KAVI BOONDIYA |
රිය එක නින්නාද කළ
නැටුම්
කෙළි කවට සිනා
මළගෙට හරියටම හැතැප්මයක් මෙහාදී
නතර කොට
පැළැන්දහ
ඔවුහු
සෝක මූණු

රියෙන් බැස
නියඟය දපා ගෙන හිඳින
වෙල් එළිය හරහා වැටුණු
නිරන්තර පා මැඩුමෙන්
සුදු වුණු නියර දි ගේ ගොස්
හිඳී බී ගත් මළ දොළින් පැන
පිවිසුණහ මළ ගෙට

ගිලිණු නෙත් කෙවෙනි තුළ
කසිප්පුවෙන් ඉදිමුණු නෙතින්
හතර පස් දෙනෙකු තැන තැන
දොඩන වාචාල බස් කපා ගෙන
ඉඳ හිට
පොළොව දෙදරවා විත්
සිරුරු විනිවිද යන
කම්පා නාදයකි
ගෙතුළ ගැහැණියක ගේ

කන්තෝරුවේ
නෝනලා මහත්තැන් හැඳි
සුදුම සුදු ඇඳුම් දෙස
මුව අයා බලා
මුළු මුළු වන
කිළිටි දරු පැටව්
හය හත් දෙනෙකි

සංක් ෂේප කොට
මේ සියල්ල
ගුලි වී සිටී
ලෑලි පෙට්ටි යේ
පිදුරු වහලය දික් කර
හදිසි යේ බෑ
යාලත්ත යට
කෙසඟ
මළ සිරුර

හැරී යන විට
නිහඬ රිය තුළ
සෝපත් සැබෑ මූණු
නොවෙනස්වම තිබිණි
හැතැප්මයකට වඩා
බොහෝ දුර

[ගේ කුරුල්ලෝ සහ වී කුරුල්ලෝ 1988]

ආරියවංශ රණවීර

සත් සිහින: කිව මැන

මගේ සුසුමට
තවත් නුඹගේ
එකම සුසුමක් මුහු කරනු මැන
නුරා නෙතු අග
පිපෙන හැඟුමන්
සිහිනයක් නොව සපථ කළ මැන

හද කුටිය මැද
අගුළු ලාගෙන
නවාතැන් ගත් අයුරු කිව මැන
පැතුම් නුපදා
මතක අද්දර
දිවි ගෙවන'යුරු කියා දෙනු මැන

http://sathsihina.blogspot.com by malithi

පිටස්තර‍යාගේ ලෝකය: තවමත් දුවමි..

පිටස්තර‍යාගේ ලෝකය: පරාජිතයින්ගේ කඳුළින්
සුසුමින් නොතෙත්වූ..

http://poornaloka.blogspot.com by ``` Outsider```

හිරු ප්‍රභා: සීතල කාලේ අවිත්

හිරු ප්‍රභා: සීතල කාලේ අවිත්: "ගිය අවුරුද්දට එපිට අවුරුද්දෙ,සීතල කාලේ හිම වැටුනම,මතකද ඔයයි මමයිමිදුනු විල ඉස්මත්තෙ ඉදන්විලට ගල් ගහපු හැටි.... එතකොට ගිය අවුරුද්දේ,ඒත් හිම ..."

http://hiruprabha.blogspot.com by හිරු ප්‍රභා

ජීවිතය…

නිරෝෂා ලක්මාලි, පුංචි කෙල්ලකුගේ සිතුවිලි: "කඳුලැළි මුසු දෙනෙත සඟවා සීනා සෙන
නෑඹුල් පැතුම් හද මඬලින් හිඟා කන ..."
http://niroshabmv.wordpress.com by නිරෝෂා ලක්මාලි, පුංචි කෙල්ලකුගේ සිතුවිලි,

KAVI BOONDIYA | තරුණ විය - [විපුලි නිරෝෂිණී හෙට්ටිආරච්චි.]

බූන්දි|BOONDI : තරුණ විය: "මහ දුරක් සීරුවට
තබා පා පොඩි බියෙන්
ගෙනා මහ දිය බඳුන
තබා බැලුවෙම් බියෙන් ..."
http://boondionline.blogspot.com by විපුලි නිරෝෂිණී හෙට්ටිආරච්චි

සොඳුරු සිත ( Beautiful Mind ): ෴ පටලැවිල්ල ෴

සොඳුරු සිත ( Beautiful Mind ): ෴ පටලැවිල්ල ෴: "පාට පාට සේද සේද හරි ලස්සන රාක්කයක පිළිවලකට හරි හැඩයට හිටියා මම ඈත දිනක දවසක් නුඹ ළඟට ආව සෙනෙහස උණුසුම පුදාන ඒ ආදර හිත පස්සෙන් වැටිලා මම ..."

http://sodurusitha.blogspot.com by wath

.............. :සත් සිහින

සත් සිහින: ..............: "අනුරාග නෙතු දෙකින්
හෙමි හෙමින් පවසන්න
අප හෙලූ ඒ සුසුම්
සිහිනයක් නොවන බව..!..."
http://sathsihina.blogspot.com by Malithi

Monday, November 15, 2010

දවසින් දවසට : සත් සිහින

සත් සිහින: දවසින් දවසට: "දවසින් දවසට හිරු පිපි අහසක පැහැබර දවසක කවියක් වී හිත ළඟට වෙලා මොහොතක් හිනැහී සිත යට කිමිදී පාවී යනු මැන විලස වළා ..."
http://sathsihina.blogspot.com by Malithi

Monday, November 29, 2010

Sunday, November 28, 2010

Saturday, November 27, 2010

Thursday, November 25, 2010

Wednesday, November 24, 2010

Tuesday, November 23, 2010

Monday, November 22, 2010

Sunday, November 21, 2010